ლიეტუვის საგარეო საქმეთა მინისტრი, ლინას ლინკევიჩუსი ვილნიუსში პრეზიდენტ სალომე ზურაბიშვილის ვიზიტს ტვიტერზე ქართულ ენაზე ეხმაურება. სალომე ზურაბიშვილის ოფიციალური ვიზიტი ლიეტუვაში 7 მარტს დაიწყო. ლინკევიჩუსი სალომე ზურაბიშვილს აეროპორტში შეხვდა.

ვიზიტის ფარგლებში სალომე ზურაბიშვილი ლიეტუვის პრეზიდენტს, პრემიერ-მინისტრსა და ქვეყნის სეიმის თავმჯდომარეს შეხვდება.

როგორც საქართველოს პრეზიდენტის ადმინისტრაციაში აცხადებს, ვიზიტის მიზანია ორმხრივი ურთიერთობების გაღრმავება, საქართველოს ევროპული და ევროატლანტიკური ინტეგრაციის პროცესის მხარდაჭერის გაძლიერება და ამ მიმართულებით პარტნიორთა მობილიზებაა. პრეზიდენტის ვიზიტი 8 მარტს დასრულდება.

ლიეტუვა საქართველოს ევროპული და ევროატლანტიკური ინტეგრაციის მხადამჭერია. დამოუკიდებლობის ასი წლისთავთან დაკავშირებით 26 მაისს ლიეტუვის პრეზიდენტი დალია გრიბაუსკაიტე თბილისში ჩამოვიდა და საქართველოს დამოუკიდებლობა ქართულად მიულოცა.

28 ივნისს ლიეტუვის სეიმმა საქართველოსადმი მტკიცე მხარდაჭერის ხაზგასმის მიზნით, ერთხმად მიიღო რეზოლუცია რუსეთის მიერ საქართველოს აფხაზეთისა და ცხინვალის რეგიონების ოკუპაციის მეათე წლისთავთან დაკავშირებით. ინფორმაცია საგარეო საქმეთა სამინისტრო ავრცელებს.

სააქართველოსადმი მტკიცე მხარდაჭერის ხაზგასმის მიზნით აგვისტოს ომის ათი წლისთავთან დაკავშირებით ლიეტუვის სეიმმა რეზოლუცია მიიღო და რუსეთის ოკუპაცია დაგმო.

ამავე თემაზე: