გორის საკრებულოში ნაციონალურ მოძრაობას ფრაქცია ეშლება. ფრაქციის დატოვება ირმა ამბარდნიშვილმა გადაწყვიტა. ამის შესახებ ინფორმაცია On.ge-ს ფრაქციის თავმჯდომარემ, ბექა ქოჩილავამ დაუდასტურა.

"ჩვენთვის მოულოდნელი იყო ჩვენი ფრაქციის წევრის განცხადება. მთელი დღის განმავლობაში ვურეკავთ და ვერ ვუკავშირდებით. ეჭვი გვაქვს, რომ რაღაცა მოხდა. უფრო მეტ დეტალს მისი ნახვის შემდეგ გავარკვევთ", — აღნიშნა ქოჩილავამ On.ge-სთან საუბრისას.

გორის საკრებულოში ნაციონალურ მოძრაობას სამი დეპუტატი ჰყავდა. ამ საკრებულოში ფრაქციის შესაქმნელად მინიმუმ სამი დეპუტატია საჭირო.