გიორგი მარგველაშვილმა საკონსტიტუციო სასამართლოს მოსამართლეებად პრეზიდენტის ყოფილი საპარლამენტო მდივანი, გიორგი კვერენჩხილაძე და უშიშროების საბჭოს ყოფილი მდივანი, ირინა იმერლიშვილი დანიშნა. ამის შესახებ ინფორმაციას პრრეზიდენტის ადმინისტრაციის უფროსი, გიორგი აბაშიშვილი თავის Facebook გვერდზე ავრცელებს.

თავად პრეზიდენტმა ბათუმში მიმდინარე საკონსტიტუციო სასამართლოს 20 წლისადმი მიძღვნილ საერთაშორისო კონფერენციაზე კი აღნიშნა, რომ იმერლიშვილი და კვერენჩხილაძე მაღალი კვალიფიკაციის იურისტები, ძლიერი და პრინციპული ადამიანები არიან, რომლებიც ქვეყნის დემოკრატიულ განვითარებას გააძლიერებენ და ამ უმნიშვნელოვანეს პერიოდში ადამიანის უფლებებს დაიცავენ.

იმერლიშვილი და კვერენჩხილაძე საკონსტიტუციო სასამართლოს მოსამართლეებს, გიორგი პაპუაშვილსა და კონსტანტინე ვარძელაშვილს ჩაანაცვლებენ. მათ უფლებამოსილების ათწლიანი ვადა სექტემბრის ბოლოს ეწურებათ.

ამ დროისთვის უცნობია, ვინ დაიკავებს ზემოაღნიშნული პირების ვაკანტურ თანამდებობებს.