ABC-ის სუპერპოპულარული სერიალი გრეის ანატომია 28 თებერვლიდან ოქროს ასოებით ჩაეწერება ტელევიზიის ისტორიაში.

მიზეზი მარტივია, ხვალ პირდაპირ ეთერში შოუს 332-ე ეპიზოდი გამოვა, რაც მას ტელევიზიის ისტორიაში ყველაზე ხანგრძლივ სამედიცინო დრამად აქცევს.

აქამდე ეს სტატუსი სერიალ ER-ს ჰქონდა რომელიც NBC-ის ეთერში 14 წლის განმავლობაში გადიოდა და საერთო ჯამში მისი 331 სერია იხილა მაყურებელმა.

ამ ეტაპზე გრეის ანატომია უკვე მე-15 სეზონით იპყრობს მაყურებლის გულს და დღემდე ერთ-ერთ ყველაზე პოპულარულ სერიალად რჩება.