დეპუტატ გედევან ფოფხაძე, რომელმაც ქართულ ოცნება დატოვა, ამბობს, რომ მოსამართლეების საკითხე პარტიის თავმჯდომარე, ბიძინა ივანიშვილი გახდა მხარე და არა მედიატორი. მისივე თქმით, თვეების წინ პარტიაში მისი დარჩენა მედიატორის როლმა განაპირობა.

"მაშინ ჩემი მობრუნება განპირობებული იყო იმით, რომ ქართულ ონცებას თუ ეყოლებოდა მედიატორი, რომელიც მხარეთა შემრიგებლურ პოზიციაზე იმუშავებდა და არ იქნებოდა თვითონ მხარე, ეს გარკვეულ პოლიტიკურ სივრცეს მოგვცემდა სამოქემდოდ. ბიძინა ივანიშვილი აღარ არის მედიატორი და მხარეა ამ დავაში . ეს არის ცუდი საერთო პროცესისთვი", — აღნიშნა გედევან ფოფხაძემ.

დღეს, 25 თებერვალს დეპუტატმა დაადასტურა, რომ ქართულ ოცნებასა და ფრაქციას ოფიციალურად დატოვა. როგორც ფოფხაძემ ბრიფინგზე განაცხადა, პარტიაში მისი დარჩენა არანაირ ლოგიკას არ ექვემდებარებოდა.

"მე აქამდეც მქონდა იმის განცდა რომ ჩემი რესურსი ქართულ ოცნებაშიიწურებოდა და იწურებოდა იმ კუთხით, რომ რაიმე ზეგავლენა მომეხდინა პოლიტიკურ გადაწყვეტილებებზე. ახლა უკვე მე მგონია რომ დარჩენა არანაირი ლოგიკას არ ექვემდებარებოდა. უნდა დასმულიყო კითხვა რატომ რჩები ქართულ ოცნებაში, ვიდრე რატომ წამოხვედი ქართული ოცნებიდან", — განაცხადა ფოფხაძემ".

გადაწყვეტილება ფოფხაძემ წასვლის შესახებ მას შემდეგ მიიღო, რაც პარლამენტმა მხარი არ დაუჭირა მისი და ეკა ბესელიას მიერ ინიცირებულ კანონპროექტს მოსამართლეების უვადოდ დანიშვნის დროებით შეჩერების შესახებ.

ფოფხაძემდე პარტია დატოვეს ლევან გოგიჩაიშვილმა, ეკა ბესელიამ და ბექა ნაცვლიშვილმა, რის გამოც ქართულმა ოცნებამ საკონსტიტუციო უმრავლესობა დაკარგა. გოგიჩაიშვილის და ბესელიას შემთხვევაში მიზეზი მოსამართლეთა დანიშვნის შეჩერების კანონპროექტი იყო. ნაცვლიშვილმა კი პარტია მისი ინიცირებული საპენსიო რეფორმის კანონპროექტის ჩაგდების გამო დატოვა.