ესტონეთში გაყინული ტბიდან ამოიყვანეს "ძაღლი", რომელიც მგელი აღმოჩნდა

ესტონეთში კეთილმა მუშებმა გაყინულ ტბაში ჩავარდნილი ძაღლი დაინახეს და გადაწყვიტეს, რომ სასწრაფოდ ამოეყვანათ წყლიდან, შემდეგ კი ცხოველთან ერთად თავშესაფარში წასულიყვნენ - რა თქმა უნდა, ასეც მოიქცნენ.

"ჩვენ მთელი გზა ვცდილობდით, რომ გაყინული ცხოველის სხეული გაგვეთბო და მისი სიცოცხლე გვეხსნა", - ამბობენ ესტონელი მუშები.

დიახ, მთელი ამ დროის განმავლობაში მუშებს ეგონათ, რომ ძაღლი გადაარჩინეს, თუმცა რეალურად მათ საქმე გაცილებით საშიშ მტაცებელთან ჰქონდათ.

რანდო და რობინმა მხოლოდ თავშესაფარში მისვლის შემდეგ გაიგეს, რომ ეს არა ძაღლი, არამედ მგელი ყოფილა.

მუშები აღნიშნავენ, რომ ცხოველს მთელი გზა მშვიდად ეძინა და მათ მიმართ არანაირი აგრესია არ გამოუვლენია.

როგორც ჩანს მადლიერების გამოხატვა ზოგჯერ ველურ მტაცებლებსაც კი შეუძლიათ.

მიუხედავად იმისა, რომ მგელი გაყინული და შეშინებული იყო, ვეტერინარებმა მას შესაბამისი დახმარება გაუწიეს და გადაარჩინეს. სრული გამოჯანმრთელების შემდეგ კი ის ისევ ველურ ბუნებაში დააბრუნეს.

ბოლო ამბები:

გირჩევთ