საპარლამენტო უმრავლესობის წევრი, ნუკრი ქანთარია ამბობს, რომ ქართული ოცნებიდან არავის არავინ არ გაურიცხავს. ამის შესახებ ქანთარიამ პარტიის ცენტრალურ ოფისთან განაცხადა, სადაც უმრავლესობის შეხვედრა გაიმართა.

მისი თქმით, შეხვედრას პარტიის თავმჯდომარე, ბიძინა ივანიშვილიც ესწრებოდა. ქანთარია ამბობს, რომ შეხვედრაზე რომელიმე დეპუტატის გარიცხვის საკითხი არ განუხილავთ.

"უამრავი საკითხი განვიხილეთ. სასამართლოზეც იყო საუბარი, სხვა საკითხებზეც იყო საუბარი, განათლებაზე, კულტურაზე და საერთოდ, უმრავლესობის მომავალზე", — უთხრა შეხვედრის შემდეგ ქანთარიამ ჟურნალისტებს.