თბილისის საქალაქო სასამართლომ გალის რაიონის სოფელ სიდაში ცოლ-ქმრის მკვლელობაში ბრალდებულს 18-წლიანი პატიმრობა მიუსაჯა.

პროკურატურის ინფორმაციით, 2017 წლის 9 აპრილს წარსულში უთანხმოების გამო ბრალდებულს ცოლ-ქმართან შელაპარაკება მოუვიდა. როგორც უწყებაში ამბობენ, შურისძიებისთვის ბრალდებულმა ცეცხლსასროლი იარაღიდან ცოლ-ქმარი სასიკვდილოდ დაჭრა.

მათივე თქმით, ბრალდებული მიიმალა და უკანონოდ სომხეთში გადავიდა. დაკავებულის ექსტრადირება 2018 წლის 17 ოქტომბერს მოხდა.