ევროპული საქართველოს დეპუტატის, გიგა ბოკერიას თქმით, თიბისი ბანკის გარშემო ვითარება ქართული ოცნების დამფუძნებელმა, ბიძინა ივანიშვილმა შექმნა. მანვე აღნიშნა, რომ საზოგადოებასა და ეკონომიკურ კეთილდღეობაზე უარყოფითად მოქმედებს, რომ ივანიშვილს შეუძლია პოლიტიკურ ინსტიტუტებს რომელიმე ფიგურის ან ბიზნესის "დევნა დაუკვეთოს":

"არაფერი მნიშვნელიბა არ აქვს, რა გადაწყვეტილებას მიიღებს ხაზარაძე. ის, რაც უკვე მოხდა და უდავო ფაქტებია, უნდა იყოს საზოგადოების შეშფოთების საფუძველი და ჩვენი ვალია ამაზე შეშფოთება".

დღეს, 21 თებერვალს მამუკა ხაზარაძემ და ბადრი ჯაფარიძემ თანამდებობა დატოვეს. ეროვნული ბანკში განაცხადეს, რომ ხაზარაძის წასვლას მიესალმებიან. მათი თქმით, ეს დადებითად აისახება ბანკის გამჭირვალობაზე.

გარდა ამისა, თიბისი ბანკმა ეროვნული ბანკის წინააღმდეგ სასამართლო დავა წყვეტს და მილიონიან ჯარიმას გადაიხდის. ამასთანავე, ბადრი ჯაფარიძე და მამუკა ხაზარაძე ეროვნული ბანკის წინააღმდეგ კერძო დავას აგრძელებენ.

თიბისი ბანკის საქმე

8 იანვარს გავრცელდა ინფორმაცია, რომ პროკურატურამ თიბისი ბანკიდან დოკუმენტები ამოიღო. მაშინ პროკურატურამ განმარტა, რომ თიბისი ბანკის 2008 წლის აქტივობები შეიცავდა ფულის გათეთრების ნიშნებს და მასში თიბისის დამფუძნებლები და ამავდროულად სამეთვალყურეო საბჭოს თავმჯდომარე, მამუკა ხაზარაძე და მისი მოადგილე ბარი ჯაფარიძე ფიგურირებდნენ.

ამ საქმესთან დაკავშირებით 13 თებერვალს საქართველოს ეროვნულმა ბანკმა მათი ხელმძღვანელი თანამდებობიდან გადაყენება მოითხოვა. თიბისი ბანკში ამბობდნენ, რომ აპირებენ სამართლებრივი საშუალებები გამოიყენონ ბანკისა და აქციონერების ინტერესების დასაცავად.

რამდენიმე დღის წინ გამართულ პრესკონფერენციაზე მამუკა ხაზარაძემ თქვა, რომ დაწყებული გამოძიება ანაკლიის პორტის მშენებლობას საფრთხის ქვეშ აყენებს.

ამავე თემაზე: