რუსმა სამხედროებმა ზუგდიდის სოფელ განმუხურიდან ორი ადამიანი გაიტაცეს. ამის შესახებ ინფორმაცია თავდაპირველად რუსთავი 2-მა გაავრცელა.

ტელეკომპანიის ცნობით, ისინი იარაღის მუქარით საოკუპაციო ხაზთან ცხენის ძებნის დროს დააკავეს. მათივე ინფორმაციით, გატაცებულების ოჯახის წევრებს სამხედროებმა თავად დაურეკეს და უთხრეს, რომ ისინი საზღვრის უკანონო გადაკვეთის ბრალდებით დააკავეს.

სახელმწიფო უსაფრთხოების სამსახურში On.ge-ს განუცხადეს, რომ მომხდარის შესახებ ინფორმირებულია ევროკავშირის სადამკვირვებლო მისია და ამოქმედებულია ცხელი ხაზი.