თუ ყოფილმა შეყვარებულმა მეგობრული გრძნობები არ დაიმსახურა, შურისძიებისთვის საუკეთესო დრო 2019 წლის ვალენტინობაა.

ინგლისის ზოოპარკმა ვიზიტორებს უკვე შესთავაზა ტარაკნებისთვის ექსების სახელების დარქმევა. ამჯერად, ინიციატივა ავსტრალიის ზოოპარკმა გამოხატა, რომელიც მსურველს საშუალებას აძლევს ყოფილი შეყვარებულის სახელი არც მეტი, არც ნაკლები, გველს დაარქვას.

ინიციატივის განხორციელებამდე, მსურველმა უნდა დაასახელოს მიზეზი, რატომ დამისახურა გველმა მისი ყოფილი შეყვარებულის სახელი. კონკურსს ერთი გამარჯვებული ეყოლება. მონაწილეობის მსურველებმა ფული უნდა გადარიცხონ ავსტრალიის ველური ბუნების ფონდში.

შერჩეული კონკურსანტი სახელს ყავისფერ გველს შეურჩევს.

"თუ სიყვარულში არ გაგიმართლათ, შეგიძლიათ ვალენტინობის დღე მაინც იზეიმოთ", - ამბობს ზოოპარკის გენერალური მენეჯერი მარკ კონოლი.

მას, ვისაც ეს პატივი ერგება, ასევე ზოოპარკში უფასოდ ვიზიტს მოიგებს და 14 თებერვალს გველთან შეხვედრის საშუალება ექნება.