სურსათის ეროვნული სააგენტოს ინფორმაციით, ნედლი რძის 15 და სუნელ-სანელებლების 8 ნიმუშში ტყვიის გადაჭარბებული შემცველობა აღმოჩნდა. სეს-ის ცნობით, დარღვევის შესახებ შესაბამის სამსახურებს ეცნობა და უწყება პროდუქციის ამოღების პროცესს დააკვირდა.

მათი ინფორმაციით, 2018 წელს, სახელმწიფო კონტროლის ფარგლებში, აკრედიტებულ ლაბორატორიაში 1 176 ნიმუშია გამოვლენილი, მათ შორის: რძის და რძის ნაწარმის 82, ხორცის და ხორცპროდუქტების — 335, თევზის და თევზის პროდუქტების — 47, კვერცხის — 68, ბავშვთა კვების პროდუქტების — 48, სუნელ-სანელებლების -— 137, თაფლის — 11, სასმელების — 108, პურპროდუქტების, ბურღულეულისა და ბოსტნეულის 340 ნიმუში.

კვლევის შედეგის მიხედვით, 1 176 ნიმუშიდან დარღვევა გამოვლინდა 23 ნიმუშში, რაც საერთო რაოდენობის 2 პროცენტია. ტყვიის შემცველობა ნორმას არ აღემატება ბავშვთა კვების პროდუქტებში, თევზში, პურპროდუქტებში, ბურღულეულსა და ბოსტნეულში. გასულ წლებთან შედარებით ტყვიის გადაჭარბებული ოდენობა არ გამოვლენილა ხორცის ნიმუშებში.