ძველი თბილისის 8 ქუჩაზე საფეხმავლო ზონა მოეწყობა და ტრანსპორტის მოძრაობა აიკრძალება.

თბილისის მერიის განცხადებით ავტოტრანსპორტისთვის ჩაიკეტება და საფეხმავლო გახდება მონაკვეთი აღმაშენებლის გამზირი N44-დან ზაარბრიუკენის მოედნამდე, ერეკლე მეორის, ბოტანიკურისა და ალექსანდრე დიუმას ქუჩები და გორგასლის I შესახვევი. საფეხმავლო ქუჩების სტატუსი მიენიჭა შარდენის ქუჩას, ბამბის რიგსა და რკინის რიგსაც.

მერიის განცხადებით, ქუჩების შესასვლელებში ავტომატური ჩამკეტები დამონტაჟდება მათი მართვის პულტები კი მოსახლეობას გადაეცემა. საჭიროების შემთხვევაში, სასწრაფოს, სახანძროსა და პოლიციის მანქანები საფეხმავლო ქუჩებზე შესვლას შეძლებენ.

მერიამ ძველი თბილისის ქუჩების საფეხმავლო ზონად გამოცხადების გადაწყვეტილება მოსახლეობის თხოვნითა და ტურისტული ინფრასტრუქტურის სტიმულირებისთვის მიიღო.