დღეს იტალიის ჩრდილოეთით მდებარე ერთ-ერთ პატარა ქალაქზე, ლოკანაზე მოგიყვებით, რომელმაც ჩვენი ყურადღება თავისი საკმაოდ საინტერესო შეთავაზებით მიიქცია.

ფოტო: Roberto Bianchetti/Comune Borgomezzavalle

თავდაპირველად გეტყვით, რომ ქალაქს ჯერ კიდევ 1900 წელს 7 ათასამდე მოქალაქე ჰყავდა. დროთა განმავლობაში კი ამ მაღალმთიან რეგიონში არსებული სხვა დასახლებების მსგავსად, მაცხოვრებლების რაოდენობამ მნიშვნელოვნად იკლო და დღეს მხოლოდ და მხოლოდ 1500 ადამიანს ითვლის.

ფოტო: Courtesy Franceso Pio Delvecchio / Comune Candela

სწორედ ქალაქის დაცარიელების რეალური საფრთხეა მთავარი მიზეზი იმისა, რომ იქ გადაცხოვრებასა და შთამომავლობის გაჩენის სანაცვლოდ, ადამიანებს ადგილობრივი ხელისუფლება საკმაოდ სოლიდურ თანხას სთავაზობს.

ქალაქის მერის თქმით, იყო დრო, როდესაც მის ქალაქში 7 ათასი ადამიანი ცხოვრობდა, თუმცა, მას შემდეგ დიდი დრო გავიდა და ბევრი რამ შეიცვალა. ლოკანა დღეს უკაცრიელ ადგილად ქცევის რეალური საფრთხის წინაშე დგას. უკეთესი საცხოვრებელი პირობებისა და სამსახურის გამო, მოქალაქეები წლებია ტოვებენ ქალაქს.

მერის თქმით, თუ სტატისტიკას მოვიშველიებთ, ლოკანაში მართლაც მძიმე დემოგრაფიული მდგომარეობაა, რადგან ყოველწლიურად იქ დაახლოებით 10 ბავშვი იბადება, მაგრამ 40 ადამიანი კვდება.

"ჩვენ ახალგაზრდა და ენერგიით სავსე ადამიანებს ვეძებთ, რომლებსაც აქ გადაცხოვრების სანაცვლოდ, სამი წლის განმავლობაში $10 ათასს, თითოეულ ახალი დაბადებულ ბავშვზე ათას დოლარს, ხოლო მცირე ბიზნესის წამოწყების მსურველებს €2 000 გადავუხდით", - ამბობს ჯოვანი ბრუნო მატიეტი.

მსგავს თემაზე: