Super Bowl ამერიკული ფეხბურთი სეზონის ბოლო თამაშია, რომელიც დღემდე რჩება აშშ-ს ერთ-ერთი ყველაზე ყურებადი ტელეპროდუქტად.

ამ თამაშის ტრანსლაციის დროს კომპანიები განსაკუთრებულ რეკლამებს იღებენ, რომელიც ბოლო ათწლეულებში ერთგვარ კულტურად ჩამოყალიბდა.

ამ რეკლამებს შორის, რა თქმა უნდა, ფილმების ტრეილერებიცაა. სწორედ ამიტომ, გთავაზობთ იმ ფილმებისა თუ სერიალის ტრეილერს, რომელიც წლევანდელი სუპერ ბოულის დროს გავიდა ეთერში.

1. Avengers: Endgame

"ზოგი ადამიანი ცხოვრებას აგრძელებს, მაგრამ არა ჩვენ" - გვესმის შურისმაძიებლების ახალ ტრილერში და ფილმის მიმართ მილოდინი კიდევ უფრო გვიმძაფრდება. მარველის სუპერგმირების ახალი თავგადასავლის ნახვა დიდ ეკრანზე 26 აპრილიდან შეგვეძლება.

2. Captain Marvel

კაპიტან მარველისადმი კინომოყვარულების მოლოდინი შეიძლება ითქვას, რომ წელს ყველაზე დიდია. ფილმში მთავარ როლს ბრი ლარსონი ასრულებს და ეს მარველის პირველი სურათია, სადაც მთავარი გმირი ქალი სუპერგმირია. ფილმი კინოეკრანებზე 8 მარტს გამოდის.

3. Toy Story 4

მზად ხართ სათამაშოების ახალი ისტორიისთვის? მაშინ მოემზადეთ, 21 ივნისს ბაზი, ვუდი და სხვა ჩვენთვის საყვარელი გმირები ეკრანს უბრუნდებიან.

4. Us

Get Out-ის რეჟისორი, ჯორდან პილი ეკრანს ახალი, ძალიან საშიში ფილმით უბრუნდება. Us - ასე ჰქვია კინოსურათს, რომელშიც მთავარ როლებს ლუპიტა ნიონგო, უინსტონ დიუკი და ელიზაბეტ მოსი ასრულებენ. საშინელებათა ფილმი 2019 წლის 15 მარტს გამოვა.

5. Scary Stories To Tell in the Dark

მართალია ამ ფილმის რეჟისორი გილერმო დელ ტორო არ არის, თუმცა თუ ამ ტიზერებს კარგად დააკვირდებით, აშკარად შეატყობთ, რომ მისი ხელი ამ ყველაფერში ურევია. არც შეცდებით, გენიალური დელ ტორო ფილმის პროდიუსერი იქნება და წლის ყველაზე საშიშ ამბებს გვპირდება. ფილმი კინოეკრანებზე 9 აგვისტოს გამოვა.

6. The Handmaid’s Tale

როგორც ახალი ტრეილერიდან ვიგებთ, მხევლები დიდი ბრძოლისთვის ემზადებიან. ასე რომ, მოემხადეთ Hulu-ს ყველაზე წარმატებული შოუს მესამე სეზონისთვის.

7. Wonder Park

ანიმაციების მოყვარულებისთვის წელს აი ასეთი სახალისო და საინტერესო ფილმი გამოდის 15 მარტს.

ამავე თემაზე:

პეპსი, ვაშინგტონ პოსტი და სხვები — 2019 წლის Super Bowl-ის ტოპ ხუთი რეკლამა