Super Bowl ამერიკული საფეხბურთო სეზონის ბოლო თამაშია, რომელშიც ლიგის გამარჯვებულის ვინაობა ირკვევა. ეს მატჩი აშშ-ში ერთ-ერთი ყველაზე ყურებადი ტელეპროდუქტია, რომელსაც ათობით მილიონი ადამიანი უყურებს.

ღონისძიება ყოველწლიურად თებერვლის პირველ კვირა დღეს ტარდება. მას ყოველწლიურად ჰყავს ვარსკვლავი, რომელიც წელს Maroon 5 იყო. მის ფარგლებში გამოუშვა Hulu-მ მხევლის წიგნის მესამე სეზონის პირველი ტრეილერი.

Super Bowl-ის მთავარი მოვლენაა შესვენებზე გასული რეკლამებიც. გთავაზობთ 5 ტოპ რეკლამას ატლანტაში, მერსედეს ბენცის სტადიონზე გამართული შოუდან.

1. Pepsi

პეპსის ახალ რეკლამაში ამერიკელ მსახიობ სტივ კარელს ვხედავთ, რომელიც მიმტანს პეპსის შეთავაზების ფორმას უსწორებს. რეკლამაში ჩნდებიან ისეთი ცნობილი სახეებიც, როგორებიც არიან დიჯეი Lil Jon და რეპერი Cardi B.

2. Microsoft

მაიკროსოფტის რეკლამა შეზღუდული შესაძლებლობის მქონე პირებზე ცნობიერების ამაღლებას მიეძღვნა. მასში ვხედავთ ბავშვებს, რომლებიც მეგობრებთან ერთად ადაპტირებული დიზაინის Xbox-ით ერთობიან.

3. Amazon

სუპერ ბოულის შესვენებაზე გასული ამაზონის რეკლამა ჭკვიანი მოწყობილობებს მიეძღვნა. მასში ვხედავთ ჰარისონ ფორდსა და ნასას ასტრონავტ სკოტ კელის. რეკლამას თან გასდევს ქუინის Don't Stop Me Now.

4. Washington Post

"ცოდნა ჩვენ გვაძლიერებს, ცოდნა გადაწყვეტილების მიღებაში გვეხმარება და გვათავისუფლებს. დემოკრატია ინფორმაციულ სიბნელეში ყოფნისას კვდება" - ასეთი იყო ამერიკული გამოცემის რეკლამის სლოგანი 2019 წლის სუპერ ბოულზე. ვაშინგტონ პოსტმა რეკლამა ჟურნალისტებს მიუძღვნა, რომლებიც ინფორმაციის საზოგადოებამდე მისატანად ყველაფერს რისკავენ, ხანდახან — სიცოცხლესაც კი.

5. Bud Lite

GOT-ის სტილში გადაღებული ლუდის რეკლამიდან მაყურებელმა ახალი სეზონის სპოილერები გაიგო. მაგალითად, ვინ კვდება ფინალურ სეზონში — ეს კი Bud Lite-ის ლუდზე შეყვარებული Bud-ის მეფეა. რა თქმა უნდა, რეკლამაში ნანახი ყველა პერსონაჟი [დრაკონის გარდა] გამოგონილია და მათ HBO-ს სერიალში ვერ ვიხილავთ.