საქართველოს პარლამენტის 2019 წლის საგაზაფხულო სესია ხვალ, 5 თებერვალს გაიხსნება. 6 წლის შემდეგ პირველად სესია ქუთაისის ნაცვლად, თბილისში მდებარე პარლამენტის შენობაში გაიმართება.

ახალი რეგლამენტის თანახმად, პარლამენტის თავმჯდომარე ირაკლი კობახიძე, პლენარულ სხდომაზე, პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას წარადგენს. პარლამენტის პრესსამსახურის ინფორმაციით, კობახიძე ანგარიშში პარლამენტის მიერ გაწეულ საკანონმდებლო და საზედამხედველო საქმიანობას, საგარეო მიმართულებით განხორციელებულ სამუშაოს, ინსტიტუციური გაძლიერების კუთხით მიღწეულ პროგრესსა და სამომავლო გეგმებს მიმოიხილავს