ლას-ვეგასის ემოციური კონცერტის შემდეგ, Shallow-ს დოლბის თეატრის სცენიდანაც მოვისმენთ. A Star Is Born-ის შეუდარებელი წყვილი ოსკარის ნომინანტ სიმღერას კინოაკადემიის 2019 წლის დაჯილდოებაზეც შეასრულებს ერთად.

ინფორმაცია ტვიტერზე გამოქვეყნდა.

ლედი გაგა ფილმში A Star Is Born შესრულებული როლით წლევანდელი ოსკარის ერთ-ერთი ფავორიტია. როგორც კრიტიკოსები ამბობენ, მუსიკის ვარსკვლავისგან ნამდვილი კინოვარსკვლავი დაიბადა.

ვარსკვლავის დაბადება ბრედლი კუპერის პირველი რეჟისორული ნამუშევარია და წლის ერთ-ერთი ფავორიტი ფილმია. სურათს ოსკარის რვა ნომინაცია აქვს, მათ შორის საუკეთესო ფილმისა და საუკეთესო მსახიობების ნომინაციაში.

ოსკარის რიგით 91-ე დაჯილდოება 24 თებერვალს, ლოს-ანჯელესში გაიმართება. მოუსმინეთ 2019 წლის ოსკარზე ნომინირებულ 5 სიმღერას.