2016 წლის 21 აპრილს. ლონდონში Sony World Photography-ის წლევანდელი გამარჯვებულები გამოვლინდნენ.

წლევანდელი ფოტოკონკურსი მსოფლიოში ყველაზე მასშტაბური და დიდი აღმოჩნდა, მასში მონაწილეობა 230 103 ნამუშევარმა მიიღო. გამარჯვებულები და მეორე-მესამე ადგილის მფლობელები 14 კატეგორიაში გამოვლინდნენ.

გამარჯვებულთა და შორტლისტში გასულ ავტორთა გამოფენა გაიმართება ლონდონში, სომერსეტ ჰაუსში, 22 აპრილიდან - 8 მაისამდე.

კონკურსის გრან პრი და ჯილდო $25 ათასი ირანელმა ფოტოგრაფმა ასგარ ხამსემ მოიპოვა.

ფოტოგრაფს კონკურსზე პორტრეტების სერია სიძულვილის ალი ჰქონდა წარდგენილი, რომელშიც მჟავის შესხმით დასჯილი ადამიანების პორტრეტებია წარმოდგენილი.

ფოტო: Asghar Khamseh/Sony

ამ ფოტოზე თეირანის 18 წლის მკვიდრი შირინ მოჰამადია აღბეჭდილი. 2012 წლის პირველ იანვარს, მას თაყვანისმცემელმა ხელი სთხოვა, გოგონასგან უარის მიღების შემდეგ კი მას მჟავა შეასხა. შირინმა მარჯვენა თვალი დაკარგა, ხოლო ყური, ცხვირი და პირი დაუზიანდა. მას რამდენიმე ოპერაცია ჩაუტარდა, მაგრამ სახის ნაკვთებისა და ჯანმრთელობის აღსადგენად კიდევ ბევრია საჭირო.

ფოტო: Asghar Khamseh/Sony

34 წლის მოჰსენ მორტასავი, 2012 წელს თანამშრომელმა მჟავა შეასხა. თავდამსხმელი სახუმარო სატელეფონო ზარების გამო გაუბრაზდა კოლეგას და შური ასე იძია. თუმცა, როგორც შემდეგ გაირკვა, მოჰსენი არაფერ შუაში იყო და დამნაშავე სულ სხვა ადამიანი აღმოჩნდა. მოჰსინმა დაკარგა მარჯვენა თვალი, კანი სახესა და თავზე და ძლიერი ქიმიური დამწვრობა მიიღო მთელს ტანზე.

იხილეთ სხვა გამარჯვებულების ნამუშევრები:

საუკეთესო ფოტო არქიტექტურის კატეგორიაში

ამელი ლაბურდეტი, ფოტო-სერია მტვრის იმპერია.

ამ ფოტო-სერიაში ფოტოგრაფმა სამხრეთ იტალიაში, ფინანსური კრიზისის შედეგად მიტოვებული მშენებლობები აღბეჭდა. ნამუშევრების იდეა თანამედროვე არქეოლოგიისა და ახალი სამყაროს შენების პერსპექტივის წარმოჩენაა.

დაუსრულებელი მშენებლობა (პალერმო, იტალია)

ფოტო: Amélie Labourdette/Sony

დაუსრულებელი მშენებლობა (ჯიარე, იტალია)

ფოტო: Amélie Labourdette/Sony

გამარჯვებული ბუნებრივი კადრის კატეგორიაში

კირსტინ შმიტი, ფოტო-სერია მოლოდინი.

ამ სერიაში კრისტინ შმიტი მოლოდინს სწავლობს. ის ეცადა კადრებზე ის მომენტი აღებეჭდა, როდესაც ადამიანები სხვადასხვა რამეს ელიან, ახალ ამბავს, ხვალინდელ დღეს, ვინმე კონკრეტულ ადამიანს და ა.შ.

ჰავანა, კუბა

ფოტო: Kirstin Schmitt/Sony

ფოტო: Kirstin Schmitt/Sony

გამარჯვებული კონცეპტუალური კადრის კატეგორიაში

ჯულიან მაუვე, ფოტო-სერია სალამი მარსიდან.

ჯულიანმა წარმოიდგინა, როგორ მოიქცეოდნენ ტურისტები უსიცოცხლო და დაუსახლებელ სამყაროში, როგორიცაა პლანეტა მარსი, მოგზაურობისას. მან გადაწყვიტა გადაეღო სტერეოტიპული ტურისტული ფოტოები და სერიაში აესახა ორი ტურისტის მოგზაურობა წითელ პლანეტაზე.

ფოტო: Julien Mauve/Sony

ფოტო: Julien Mauve/Sony

გამარჯვებული პეიზაჟის კატეგორიაში

მარიშკა ლავინი, ფოტო-სერია არაფრის მხარე.

მარიშკა ნამიბიაში მოგზაურობდა და თავის ფოტო სერიაში სწორედ ამ ქვეყნის პეიზაჟები აღბეჭდა.

მარტორქა (ნამიბია)

ფოტო: Maroesjka Lavigne/Sony

ანტილობა (ნამიბია)

ფოტო: Maroesjka Lavigne/Sony

გამარჯვებული პორტრეტის კატეგორიაში

მარჩელო ბონფანტი, ფოტო სერია ებოლას დამმარცხებლები.

ადამიანი, რომელმაც დაამარცხა ებოლა (სიერა ლეონე)

ფოტო: Marcello-Bonfanti/Sony

ფოტო: Marcello-Bonfanti/Sony

გამარჯვებული მიმდინარე მოვლენების კატეგორიაში

ანჯელოს ცორცინისი.

ფოტო: Angelos Tzortzinis/Sony

ფოტო: Angelos Tzortzinis/Sony

ფოტო კონკურსი ყოველწლიურია და მასში მონაწილეობის მიღება ნებისმიერ ადამიანს შეუძლია.