აფხაზეთის დე-ფაქტო რესპუბლიკის დელეგაცია, რომელსაც არაღიარებული სახელმწიფოს ვიცე-პრეზიდენტი ხელმძღვანელობს, მთიანი ყარაბაღის თვითაღიარებულ რესპუბლიკას სტუმრობდა, სადაც მათ სომხეთის პრეზიდენტი, სერჟ სარგსიანიც დახვდა. შეხვედრის ამსახველი ფოტომასალა დე-ფაქტო აფხაზეთის საგარეო საქმეთა მინისტრის მოადგილემ, კან ტანიამ, სტეპანაკერტიდან ფეისბუკზე, პირად გვერდზე ატვირთა. ის წერს, რომ აფხაზურ დელეგაციას სომხეთის პრეზიდენტი სერჟ სარგსიანი და ყარაბაღის პრეზიდენტი ბაკო სააკიანი ესალმებიან.

სომხეთის პრეზიდენტი ყარაბაღში აფხაზეთის დე-ფაქტო რესპუბლიკის წარმომადგენლებთან ერთად.

მთიანი ყარაბაღის თვითაღიარებული რესპუბლიკა დაფუძნების 25 წლისთავს ზეიმობს.

საქართველოს საგარეო საქმეთა სამინისტროში On.ge-ს განუცხადეს, რომ ამ საკითხზე განმარტებას საქართველოში სომხეთის საელჩო უახლოეს პერიოდში გაავრცელებს.