2019 წლის პირველი იანვრიდან საქართველოში ყველა ტიპის ავტომობილზე ტექდათვალიერების გავლა, რომლის ძრავის მოცულობაც 3 ათას კუბურ სანტიმეტრზე ნაკლებია. ყველა მძღოლი, რომლის მანქანასაც მსგავსი შემოწმება არ გაუვლია 50 ლარით ჯარიმდება, იურიდიული პირი 200 ლარით.

შინაგან საქმეთა სამინისტროს პრესსამსახურის ინფორმაციით, დარღვევის არაღმოფხვრის შემთხვევაში ყოველი ერთი თვის გასვლის შემდეგ ჯარიმა კვლავ 50 ლარია, რაც ჯამში ერთი წლის განმავლობაში 600 ლარია.

14 იანვრიდან ე.წ. ჭკვიანი კამერები იმ ავტომობილებს აჯარიმებს, რომლებსაც ტექნიკური ინსპექტირების გავლის ვალდებულება ჰქონდა და ჯერ არ გაუვლია. ტექდათვალიერების გავლის თარიღი ავტომობილის რეგისტრაციაზეა დამოკიდებული (თუ ავტომობილი 20 იანვრის თარიღით არის რეგისტრირებული, ტექდათვალიერებაც 20 იანვრის ჩათვლით უნდა გაიაროს).

მთელი საქართველოს მასშტაბით უკვე მოქმედებს 1 441 ვიდეოკამერა, რომლებიც შინაგან საქმეთა სამინისტროს ერთიან ქსელშია ჩართული. მათ შორის 795 ზოგადი ხედვის არის, 646 კი ე.წ. ჭკვიანი ვიდეოკამერა. ამ დროისთვის ვიდეოკამერები თბილისის და საქართველოს სხვადასხვა მუნიციპალიტეტის ტერიტორიაზეა გადანაწილებული.