გერმანიის კანცლერის, ანგელა მერკელის ქვეყნის პრეზიდენტის, ფრანკ-ვალტერ შტაინმაიერისა და ასეულობით ადგილობრივი პოლიტიკოსის პირადი ელ-ფოსტის გატეხვისთვის ბრალი 20 წლის სტუდენტს წაუყენეს. როგორც Reuters წერს, სტუდენტმა ათასობით ადამიანის ელფოსტა გატეხა და წერილები ტვიტერის საიდუმლო ანგარიშზე გამოაქვეყნა, რადგან მათი საჯარო განცხადებები არ მოსწონდა.

ადგილობრივმა პოლიციამ განაცხადა, რომ სტუდენტი ბრალს აღიარებს. საგამოძიებო უწყებაში ამბობენ, რომ ის დაკავებული არ არის, რადგან პოლიციასთან თანამშრომლობს.

უცხოური მედიის ინფორმაციით, ეს იყო გერმანიის ისტორიაში ყველაზე მასშტაბური პირადი ინფორმაციის გასაჯაროების შემთხვევაა. გერმანული პრესა წერდა, რომ მომხდარი სავარაუდოდ რუსეთის მხრიდან კიბერშეტევა იყო. არსებობდა ვარაუდები გერმანელი ულტრამემარჯვენე აქტივისტების კიბერთავდასხმის შესახებაც.