ბათუმში ძლიერი ქარის დროს დაშავებული კაცი გარდაიცვალა. ის ბათუმის მედცენტრში მართვით სუნთქვაზე იყო. ამის შესახებ ბათუმის მერი, ლაშა კომახიძე ფეისბუქის საკუყთარ გვერდზე წერს:

დაშავებული ბათუმის მერიის სერვისების სამსახურის უფროსი იყო. ბათუმის რეფერალური საავადმყოფოს რეანიმაციულ განყოფილებაში რჩება მეორე დაშავებული.

საგანგებო სიტუაციების მართვის სამსახურის ინფორმაციით, 4 იანვარს ძლიერი ქარის გამო, ბათუმში, ჭავჭავაძის ქუჩაზე, ცხრასართულიანი საცხოვრებელი სახლის სახურავიდან თუნუქის ფურცლების ჩამოვარდნის შედეგად დაშავდა ორი მოქალაქე და დაზიანდა ორი ავტომანქანა. ძლიერი ქარის გამო, ბათუმიდან სულ 31 შეტყობინება შევიდა. ძირითადად დაზიანებულია საცხოვრებელი სახლების სახურავები და ხეები.