ნეტფლიქსის ჩიტის ყუთი, სანდრა ბულოკის მონაწილეობით, ბოლო დროის ერთ-ერთი ყველაზე განხილვადი და ყურებადი ფილმი გახდა.

სტრიმინგ სერვისის მონაცემებით, ფილმს გამოსვლიდან ერთ კვირაში 45 მილიონზე მეტმა ადამიანმა უყურა და ეს რიცხვი ყოველდღიურად იზრდება.

ინტერნეტსივრცეში ფილმს ფენომენალური წარმატება ხვდა წილად. ბოლო მონაცემებით, ტვიტერზე ჩიტის ყუთის შესახებ წუთში ასი ტვიტი იწერება.

გამოჩნდა გამოწვევაც - #BirdBoxChallenge, სადაც ფილმის ნახვის შემდეგ ადამიანები ერთგვარად იმეორებენ ფილმის სიუჟეტს და თვალებზე ქსოვილ აფარებულები ქალაქის სხვადასხვა უბნებში გადაადგილდებიან.

ვიდეოების უმრავლესობაში ჩანს, რომ ადამიანები ამ გამოწვევის ბოლომდე მისაყვანად საკუთარ თავსაც და სხვებსაც დიდ საფრთხეში აგდებენ, სწორედ ამიტომ ნეტფლიქსს მოიწია საყოველთაო ისტერიისთვის ბოლო მოეღო და განცხადება გაავრცელა.

"არ გვჯერა ამის თქმა რომ გვიწევს: ნუ ვნებთ საკუთარ თავს ჩიტის ყუთის გამოწვევით. არ ვიცით საიდან დაიწყო ეს ყველაფერი და ვაფასებთ ამ სიყვარულს, მაგრამ ბიჭს და გოგოს 2019 წელს მხოლოდ ერთი სურვილი აქვთ - მიმების გამო საავადმყოფოში არ მოხვდეთ", - წერია განცხადებაში.

ფილმის პრემიერა ნეტფლიქსზე 13 დეკემბერს შედგა.