საქართველოს იუსტიციის უმაღლესი საბჭო თბილისის საქალაქო სასამართლოს თავმჯდომარე მამუკა მიქაუტაძეზე თავდასხმის ფაქტთან დაკავშირებით განცხადებას ავრცელებს. შემთხვევა 26 აგვისტოს, გონიოში მოხდა. ფაქტზე მიმდინარეობს სისხლის სამართლის საქმის გამოძიება.

იუსტიციის უმაღლესი საბჭოს განცხადებით, თავდასხმა მიქაუტაძის სამსახურეობრივი მოვალეობის შესრულებას უკავშირდება და ეს არამარტო ინდივიდუალური მოსამართლის უფლებების უხეში დარღვევა, არამედ, დამოუკიდებელ მართლმსაჯულებაზე თავდასხმაცაა.

იუსტიციის უმაღლესი საბჭოს წევრები მოუწოდებენ მოქალაქეებს, რომ მათთვის არასასურველი განაჩენის გამოტანის შემთხვევაში, მიმართონ ზემდგომ ინსტანციებს და სასამართლოზე ზეწოლისა და ძალადობისგან თავი შეიკავონ.