დემოკრატი სენატორი მასაჩუსეტსიდან, ელიზაბეტ უორენი 2020 წლის საპრეზიდენტო არჩევნებისთვის ემზადება. ამის შესახებ მან დღეს, 31 დეკემბერს განაცხადა.

"ჩვენ შეგვიძლია დემოკრატია და ეკონომიკა ავამუშავით ყველა ჩვენგანისთვის", — განაცხადა უორენმა.

მან ტვიტერის საკუთარ გვერდზე ვიდეორგოლი გამოაქვეყნა, სადაც ამბობს:

"ყველა ადამიანს ამერიკაში შრომისმოყვარეობა და ერთნაირი წესებით თამაში უნდა შეეძლოს. მათ ერთმანეთზე და იმ ხალხზე უნდა იზრუნონ, ვინც უყვართ. ეს ის არის, რისთვისაც ვიბრძვი და ამისათვის მე თქვენ მჭირდებით".

უორენი ჰარვარდის სამართლის სკოლის პროფესორი იყო და 2016 წლის საპრეზიდენტო არჩევნებში ჰილარი კლინტონის კამპანიაში მონაწილეობდა.

ბოლო დროს უორენი თეთრი სახლისა და რესპუბლიკელების თავდასხმის ობიექტი გახდა. იგი ამტკიცებდა, რომ მკვიდრი ამერიკელის წარმომავლობა ჰქონდა. დონალდ ტრამპმა მას "ყალბი პოკაჰონტასი" უწოდა და DNM-ის ტესტის ჩატარებისკენ მოუწოდა. ელიზაბერ უორენმა ოქტომბერში ნამდვილად ჩაიტარა ტესტი, რომლის თანახმად, მისი წინაპრების უმრავლესობა ევროპეიდული რასის წარმომადგენლები იყვნენ, თუმცა შედეგმა ადგილობრივი/მკვიდრი ამერიკელი წინაპრების არსებობაც დაადასტურა.