შინაგან საქმეთა სამინისტროს ინფორმაციით, 25 დეკემბრიდან 31 დეკემბრის ჩათვლით თბილისში, სადგურის მოედანთან არსებული ბაზრის მიმდებარე ქუჩებზე ავტომანქანების მოძრაობა აიკრძალება ან ნაწილობრივ შეიზღუდება.

მოძრაობა აიკრძალება წინამძღვრიშვილისა და აბასთუმნის ქუჩების კვეთიდან აბასთუმნისა და თევდორე მღვდლის ქუჩების კვეთამდე.

დინამოს სტადიონის მიმდებარე ტერიტორიიდან ავტომანქანების მოძრაობა ნებადართული იქნება ცალმხრივად, ცაბაძის, თევდორე მღვდლისა და აბასთუმნის ქუჩის გავლით სასტუმრო კოლხეთის მიმართულებით გადაადგილება იქნება შესაძლებელი. გარდა ამისა, მოძრაობა შეიზღუდება თამარ მეფის ქუჩიდან წინამძღვრიშვილის ქუჩის მიმართულებით.