2018 წლის მის სამყაროს გამარჯვებული 24 წლის კატრიონა გრეი გახდა. ტაილანდში გამართულ სილამაზის საერთაშორისო კონკურსზე ის ფილიპინებს წარმოადგენდა.

მის სამყარო 2018-ის ფინალი

ფოტო: Gemunu Amarasinghe / AP

მის სამყარო 2018 - კატრიონა გრეი

ფოტო: Gemunu Amarasinghe / AP

გამარჯვებული შოუს წამყვანმა სტივ ჰარვიმ გამოაცხადა. კატრიონა მეოთხე ფილიპინელია, რომელმაც თავის ქვეყანას სილამაზის საერთაშორისო კონკურსში გამარჯვება მოუტანა.

კატრიონას სიტყვებით, 13 წლის იყო, როცა მისმა დედამ სიზმარი ნახა, რომ მის სამყაროს გამარჯვებული წითელ კაბაში გახდებოდა. მან თქვა, რომ კონკურსის ფინალზე თავისი კოსტიუმი ამის გათვალისწინებით შეარჩია.

მის სამყარო 2018 ფილიპინელი კატრიონა გრეი გახდა

ფოტო: Getty Images

"ჩემთვის დიდი ბედნიერებაა, ფილიპინების სახელით მონაწილეობა", - დაწერა მან ინსტაგრამზე რამდენიმე დღის წინ. კატრიონა ავსტრალიაში დაიბადა.

ტაილანდში გამართულ კონკურსში მონაწილეობას სულ 93 ქვეყნის წარმომადგენელი იღებდა. სილამაზის კონკურსზე საქართველო 25 წლის მოდელმა, ლარა იანმა წარადგინა.