პარასკევს ჰარვი ვაინშტაინის წინააღმდეგ სასამართლოში საქმის წარმოება განახლდა. მთავარი მოსარჩელე იყო ქალი, რომელიც ამბობდა, რომ ერთ დროს ჰოლივუდის ყველაზე გავლენიანი პროდიუსერი მისი თანდასწრებით მასტურბირებდა და ორალური სექსის სანაცვლოდ კარიერულ წინსვლას ჰპირდებოდა.

საქმის დეტალებიდან ირკვევა, რომ ვაინშტაინს მაგალითად ჯენიფერ ლოურენსი მოჰყავდა.

"ჯენიფერ ლოურენსთან ვიწექი და შეხედე, ახლა სად არის, ოსკარი მოიგო", - უმეორებდა ჰარვი ვაინშტაინს მსხვერპლს.

აღნიშნულ ფაქტთან დაკავშირებით განცხადება გაავრცელა ჯენიფერ ლოურენსმაც და თქვა, რომ მას არასდროს ჰქონია სექსუალური ურთიერთობა ვაინშტაინთან.

"ვწუხვარ ყველა იმ ქალის გამო, რომელიც ჰარვი ვაინშტაინის მსხვერპლი გახდა. არასდროს მქონია მასთან პროფესიულის გარდა სხვა ურთიერთობა. მისი ეს განცხადება კი კიდევ ერთი დასტურია იმისა, თუ როგორია მოძალადის ტაქტიკა", - ამბობს ლოურენსი.

ამავე ქეისის მიხედვით, შემთხვევა 2013 წელს ვაინშტაინის ოფისში მოხდა, სადაც ჰარვიმ საქმიან თემატიკაზე საუბრის დროს, უეცრად შარვალი გაიძრო და ქალს მიმართა - "საერთოდ გინდა, რომ მსახიობი გახდე?".

ჰარვი ვაინშტაინი ათწლეულების განმავლობაში ჰოლივუდის გავლენიანი პროდიუსერი იყო, თუმცა მისი კარიერა ხმაურიანად დასრულდა.

ვაინშტაინი 90-ზე მეტმა ქალმა დაადანაშაულა სექსუალურ შევიწროებასა და გაუპატიურებაში. მის საქმეს ლონდონის, ნიუ-იორკისა და ლოს-ანჯელესის პოლიცია იძიებს.