სარკინიგზო კატასტროფას თურქეთში სულ მცირე ცხრა ადამიანი ემსხვერპლა, 47 — დაშავდა. ამის შესახებ ინფორმაცია თურქეთის ტრანსპორტის მინისტრმა დაადასტურა.

შემთხვევის ადგილზე გადაღებულ ფოტოებში ჩანს, რომ საგანგებო სიტუაციების სამსახურის წარმომადგენლები ცდილობენ ხალხის ამოყვანას დაზიანებული ვაგონებიდან.

ადგილობრივი მედიის ცნობით, სწრაფად მიმავალი მატარებელი დაეჯახა სხვა მატარებელს და შემდეგ რელსებიდან გადავარდა. მატარებელი ანკარადან დასავლეთ თურქეთის ქალაქ კონიაში მიემართებოდა.

ადგილობრივი მთავრობის ინფორმაციით, მატარებლის მძღოლი დაღუპულებს შორისაა. სამი დაშავებულის მდგომარეობა კი კრიტიკულია.

სარკინიგზო ავარია თურქეთში ივლისშიც მოხდა. შემთხვევა 24 ადამიანი ემსხვერპლა.