ჯონ ლენონი ჟურნალ RollingStone-თან LSD-ის მიღების პირველ გამოცდილებაზე გვიყვება. ლეგენდარული The Beatles-ის წევრები ჯონ ლენონი და ჯორჯ ჰარისონი მეუღლეებთან ერთად თავიანთ მეგობართან იყვნენ სტუმრად, რომელმაც მათ სასმელში ჰალუცინოგენი ჩაუყარა. ამ "მოგზაურობის" შესახებ ლენონი თავად ყვება ინტერვიუში, რომლის ქართულ თარგმანსაც ქვემოთ გთავაზობთ.

"ჯორჯი, მე და ჩვენი ცოლები, ლონდონში, სტომატოლოგის სახლში ვიმყოფებოდით ვახშამზე, ის ჯორჯის მეგობარი და ჩვენი სტომატოლოგი იყო. და ყავაში, თუ რაღაცაში გაურია, ისე რომ არც უთქვამს. მერე გვითხრა: "გირჩევთ არ წახვიდეთო".

ორგიისთვის უნდოდა ჩვენი დატოვება. სიგიჟე იყო რაც ხდებოდა. კლუბში რომ წავედით, გვეგონა ცეცხლი ეკიდა, ქუჩაში ვკაკანებდით. მერე ხალხი ყვიროდა "მოდი ფანჯარა ჩავამტვრიოთ". მოკლედ, უბრალოდ გიჟები ვიყავით. მხოლოდ თავები გვება. ბოლოს, როგორც იქნა ლიფტში ჩავსხედით. უბრალოდ პატარა წითელი ნათურა ანათებდა, ჩვენ კი გვეგონა, რომ ცეცხლი ენთო. ვყვიროდით. ლიფტი გაჩერდა, კარი გაიღო, ჩენ კიდე ვღრიალებდით. მერე დავინახეთ, რომ კლუბში ვიყავით. შევედით და დავსხედით მაგიდასთან, ძალიან გრძელ მაგიდასთან.

მერე ვიღაც მომღერალი მომიახლოვდა და მკითხა: "შეიძლება თქვენს გვერდით დავჯდე?" მე ვუპასუხე: "მხოლოდ იმ შემთხვევაში, თუ ხმას არ ამოიღებ" - იმიტომ, რომ უბრალოდ ვერ ვფიქრობდი.

როგორღაც ჯორჯმა, თუ სხვამ მოახერხა და ჯორჯის მანქანით სახლში წავეყვანეთ. მხოლოდ 10 მილი/საათში მივდიოდით, თუმცა ათასად მეჩვენებოდა. მე რაღაც სასაცილო ხუმრობებს ვამბობდი, ჯორჯი მეუბნებოდა "ნუ მაცინებო".

შემაძრწუნებელი იყო და თან ფანტასტიკური.

ჯორჯის სახლი დიდი წყალქვეშა ნავივით იყო, რომელსაც მე ვმართავდი. ყველა დასაძინებლად წავიდა, მხოლოდ მე დავრჩი. თითქოს მის კედელზე ტივტივებდნენ, რომელიც 18 ფუტის სიმაღლის იყო. ეს არის რაც მოხდა."