თოვლის ბაბუა, მარხილი, არსაიდან მოსული საჩუქრები, სასიამოვნო არომატები, თუ ამაღლებული განწყობა იმ მიზეზების არასრული ჩამონათვალია, რომლებიც სამართლიანად გვაფიქრებინებს, რომ ახალი წელი ნამდვილად ჯადოსნური დღესასწაულია.

გინდათ, რომ წინასაახალწლო განწყობა აიმაღლოთ და თქვენს ირგვლივ ზღაპარი რეალობად იქცეს? მაშინ, განაგრძეთ კითხვა და ნახეთ ათი მთავარი ნიშანი, რომლითაც მარტივად მიხვდებით, რომ ახალი წელი ახლოვდება:

1. მაღაზიები საახალწლო ფასდაკლებებს გვთავაზობენ

ფოტო: time

ჩვენც ვერ ვითმენთ და სახლისთვის ათას საყვარლობას ვყიდულობთ.

2. დედა გოზინაყს აკეთებს

ფოტო: Georgian Journal

ერთი სული გვაქვს შევჭამოთ და შევაფასოთ წელს როგორი გამოვიდა.

3. გზებზე სულ საცობებია

ფოტო: Giphy

ეს ის პატარა უსიამოვნო დეტალია, რომელსაც აჯობებს, რომ გაგებით მოვეკიდოთ.

4. სახლში გემრიელი საჭმლის სუნი ტრიალებს

ფოტო: Bustle

მაგარია, მეტი მიზეზი გვაქვს, რომ უფრო მსუნაგები ვიყოთ.

5. ქუჩებს ლამაზი დეკორაციით აფორმებენ

ფოტო: გიორგი დუნდუა

ჩვენ კი იმედი გვაქვს, რომ ჩვენი ქალაქი საუკეთესოდ მორთული ქალაქების ათეულში მოხვდება.

6. ტელევიზორში ძველი ქართული ფილმები გადის

ფოტო: Gfycat

იმერული ესკიზები, ჭრიჭინა, აბეზარა - ეს იმ ქართული ფილმების მცირე ჩამონათვალია, რომელთა გარეშეც ახალი წელი წარმოუდგენელია.

7. მეგობრები ბეეევრი ტკბილეულით გვიმასპინძლდებიან

ფოტო: giphy

სამართლიანობისთვის ისიც უნდა აღინიშნოს, რომ ამ კუთხით ჩვენც უფრო ხელგაშლილი ვხდებით.

8. ქალაქში კოკა-კოლას საახალწლო სატვირთო მანქანები დადიან

ფოტო: giph

და ისევ უშედეგოდ ვცდილობთ დავეწიოთ და ინსტაგრამისთვის ლამაზი ფოტო გადავიღოთ.

9. Facebook მეგობრები წლის შემაჯამებელ პოსტებს დებენ

ფოტო: gip

ამ მომენტში ვხვდებით, რომ რამე უფრო ორიგინალურის მოფიქრება გვმართებს.

10. ყველგან ფოიერვერკის ხმა ისმის

ფოტო: g

ჩვენ კი პუნქტუალურობის გამოჩენას ვამჯობინებთ და დიდი მოთმინებით ველოდებით, თუ როდის დადგება 2019 წლის, პირველი იანვრის, პირველი ბედნიერი წუთები.