თბილისის იუსტიციის სახლში შეზღუდვა მოიხსნა. უწყება უკვე ყველა მოქალაქეს ემსახურება. ამ დრომდე იუსტიციის სახლი მხოლოდ იმ პირებს ემსახურებოდა, ვისაც ე.წ. სამახსოვრო ბარათი ჰქონდა.

იუსტიციის სახლთან აქცია დღეს, 10 დეკემბერს, დილის 9 საათიდან იმართება. ქსენოფობიური განწყობების ჯგუფები, მათ შორის ქართული მარშის წევრები და პარლამენტის დეპუტატები პატრიოტთა ალიანსიდან საკონსტიტუციო სასამართლოს იმ გადაწყვეტილებას ასაჩივრებენ, რომლითაც საქართველოს მოქალაქეობის არ მქონე პირებს სასოფლო-სამეურნეო დანიშნულების მიწის ყიდვა შეუძლიათ.

ქსენოფობიური განწყობების მატარებელი ჯგუფები ეთნიკურად არაქართველ მოსახლეობას იუსტიციის სახლის სერვისებით სარგებლობის უფლებას უზღდავდნენ და განუმარტავდნენ, რომ 16 დეკემბრამდე არ მისულიყვნენ. ისინი კანის ფერის მიხედვით წყვეტდნენ ვინ იყო ქართველი და ვინ — არა.