2013 წლის შემდეგ, პარიზის რესპუბლიკის მოედანი ფეხით მოსიარულეთათვის კომფორტულ მოედნად იქცა. მანამდე აქ უამრავი მანქანა ირეოდა და უპირატესობა სწორედ ავტომობილებს ჰქონდათ. 3 წლის წინ პარიზის მერიამ ამ მოედნის რედიზაინი გააკეთა და ამჟამად რესპუბლიკის მოედანი პარიზელების ერთ-ერთი საყვარელი ადგილია.

რესპუბლიკის მოედნის გადაკეთება პარიზელებს იმდენად მოეწონათ, რომ ქალაქის მთავრობამ ამ პრაქტიკის გაგრძელება და ქალაქის რამდენიმე ცნობილი ადგილის იმავე პრინციპით გადაკეთება გადაწყვიტა.

ერთ-ერთი ასეთი ნაწილი ბასტილიის მოედანი იქნება, რომელიც ამჟამად მძიმედაა დატვირთული და ქუჩიდან ქუჩაზე გადასვლა ფეხით მოსიარულეებს ძალიან უჭირთ. ახალი დიზაინით, მოედნის 50 პროცენტი მთლიანად ფეხით მოსიარულეებს დაეთმობათ, რის შედეგადაც საავტომობილო გზის რამდენიმე ხაზი გაუქმდება და გაიზრდება მწვანე საფარი.

ბასტილიის მოედნის გარდა იგეგმება ლა მადალენისა და ერის მოედნების გადაკეთებაც. შესაბამისი სამუშაოები პარიზში 2017 წლიდან დაიწყება.