2018 წლის აპრილში კომპანია Brown-Forman-მა არაყ Finlandia-სთვის ახალი ბოთლის დიზაინი შექმა, რომლის ნახვაც უკვე ყველას შეუძლია.

დიზაინერებმა შექმნეს ბოთლის უნიკალური სტილი, რომელიც ხაზს უსვამს პროდუქტის მაღალ ხარისხს. ახალი დიზაინის შთაგონების წყარო ყინულის სილამაზე, რომელიც უკვე ნახევარი საუკუნეა ახალი იდეებით ასაზრდოებს ბრენდის შეფუთვას, და ფინეთის, როგორც მაღალი ხარისხის სტანდარტებთან და სუფთა ბუნებასთან ასოცირებული ქვეყნის იმიჯი.

"ახალი დიზაინი არის ყინულის შემდგომი ევოლუციური ნაბიჯი. ჩვენ დავამატეთ დეტალები, რომლებიც წარმოადგენენ გზას ისტორიისკენ და ბრენდს შინაარს მატებენ", - ამბობს კარმენ დასენდისი, უფროსი ვიცე-პრეზიდენტი, Finlandia-ს ბრენდის გლობალური დირექტორი.

ბოთლის ახალი დიზაინი, თავისი ფორმით, ამოტვიფრული გამოსახულებებით, ფერების გაუმჯობესებული პალიტრითა და ახალი ექსპრესიული ბრენდინგით ხაზს უსვამს სასმელის პრემიალურობას.

ბოთლის დამახასიათებელი დიზაინი, მდნარი ყინულის სახით, ხაზს უსვამს სასმელის ბუნებრივ ბრწყინვალებას, ხოლო ბოთლის "მხრებზე" ამოტვიფრული ჩრდილოეთის ირემი და პოლარული მზე შეგვახსენებს მის ფინურ წარმოშობას. თვალშისაცემი ლურჯი ხუფი, ბოთლის ყელის აქსესუარი და ეტიკეტი, ისევე როგორც სპილენძის დეტალი წარწერით: "პოლარული მზის ქვეყნის არაყი" გამოარჩევს Finlandia-ს თაროზეც და ბარშიც.

განახლებული შრიფტი, პოლარული მზის სხივების გრაფიკული გამოსახულება და შეფუთვის დიზაინის ყველა დეტალი ხაზს უსვამს Finlandia-ს მდიდარ ისტორიას.

Finlandia მყინვარის სუფთა წყლისა და ფინეთის 72-დღიანი პოლარული მზის ქვეშ მოყვანილი საუკეთესო ქერისაგან იწარმოება. დისტილაციის ხელოვნება გარდაქმნის ამ ხელუხლებელ ბუნებრივ ინგრედიენტებს Finlandia-ს სრულყოფილ გემოდ.

"შეფუთვის დიზაინი შექმნილია Cartils Branding & Packaging Design-ის მიერ. Finlandia-ს ახალი შეფუთვა არის კიდევ ერთი ნაბიჯი ჩვენს მიერ აღიარებულ ინდუსტრიაში დიზაინერული ნამუშევრის ევოლუციის პროცესში, რომელიც ასახავს ბრენდის პრემიალურობას", - ამბობს კარმენ დასენდისი.

Finlandia-ს ახალი ბოთლი საბითუმო და საცალო ვაჭრობისთვის 20 ნოემბრიდანაა ხელმისაწვდომი. ევროპული ქვეყნების ნაწილი ახალი შეფუთვის მიღებას დაიწყებს 2018 წლის დეკემბერში. აშშ-სა და სხვა ბაზრები ბოთლის მიღებას დაიწყებენ 2019 წლის ივნისში.

არაყ Finlandia-ს წარმოება 1970 წელს დაიწყო, რათა წარმოჩენილიყო ყველაფერი საუკეთესო, რაც კი არსებობს ფინეთში. ეს გამოხატულია ფინლანდიას ბუნებაში (luonto), ხელოვნების დონეზე აყვანილ დისტილაციაში (tislaus) და დიზაინში (muotoilu). Finlandia შთაგონებას იღებს თავის სამშობლოში, განსაკუთრებულ მნიშვნელობას ანიჭებს ამ ფუნდამენტურ პრინციპებს და ხელუხლებელს ტოვებს პრემიალური არყის გემოს.

ჯორჯ გარვინ ბრაუნის მიერ დაარსებულმა კომპანიამ, ბრაუნ-ფორმანმა, პრემიუმ ხარისხის ალკოჰოლური სასმელების მრავალი ბრენდი შექმნა და გაამდიდრა მომხმარებელთა ცხოვრება. ბრაუნ-ფორმანი არის ალკოჰოლური სასმელებისა და ღვინის მწარმოებელი ამერიკული კომპანიებიდან ერთ-ერთი უმსხვილესი, ძლიერი ალკოჰოლური სასმელების მსოფლიოს 10 უდიდესი საერთაშორისო მწარმოებელთაგან ერთ-ერთი, ყავს 4600 თანამშრომელი და მთელ მსოფლიოში ყიდის 25-ზე მეტი ღვინისა და ალკოჰოლური სასმელის ბრენდის პროდუქციას.