თბილისში ხელისუფლების მხარდაჭერილმა კანდიდატმა, სალომე ზურაბიშვილმა გაერთიანებული ოპოზიციის კანდიდატ გრიგოლ ვაშაძეს 120 240 ხმით მოუგო. ამ ეტაპზე დათვლილია უბნების 99,19%, ანუ 3 675 უბანი 3 705 უბნიდან.

ამ მონაცემებით, სალომე ზურაბიშვილმა არჩევნებზე 59,6 გრიგოლ ვაშაძემ კი 40,4 პროცენტი აიღო. გაერთიანებული ოპოზიციის კანდიდატი საქართველოს მხოლოდ ორ ქალაქში თელავსა და რუსთავში იგებს. გრიგოლ ვაშაძემ წააგო ფოთიც, სადაც პირველ ტურში 972 ხმით უგებდა ზურაბიშვილს, ახლა კი 4 167 ხმით აგებს.