ტელეკომპანია პირველის ინფორმაციით, საარჩევნო უბანთან გადაღებისას მათ ჟურნალისტს, თათია ჩაფიჩაძეს მუშაობაში ხელი შეუშალეს და ხელი დაარტყეს.

"უნდა ამოვძირკვოთ ნაციონალები", — განაცხადა საარჩევნო უბანთან მყოფმა პირმა, რომელმაც ჟურნალისტს გადაღების შეწყვეტა მოთხოვა და სიტყვიერი შეურაცხყოფა მიაყენა. მასთან მივიდა კიდევ ერთი პირი, რომელმაც განაცხადა, რომ ჟურნალისტს ტელეფონს წაართმევდა თუ გადაღებას არ შეწყვეტდა. უარის მიღების შემდეგ მან ჟურნალისტს ხელი დაარტყა.