რუსთავი 2-ის ინფორმაციით, თბილისის მერიაში გამწვანების რეგულაციების თემაზე გამართულ შეხვედრაზე თბილისის მერმა, დავით ნარმანიამ მწვანე მუშტის წარმომადგენელს, ირაკლი კუპრაძეს სიტყვიერი შეურაცხყოფა მიაყენა.

ვითარება მას შემდეგ დაიძაბა, რაც მესამე სექტორის წარმომადგენლებმა ნარმანიასგან კიდევ ერთხელ მოითხოვეს ყაზბეგის გამზირზე ხეების უკანონოდ მოჭრის გამო მერიის ორი სამსახურის ხელმძღვანელის გათავისუფლება.

"მე თქვენთვის სიტყვა არ მომიცია, ვინ არის ეს. მაიმუნი ვირიშვილი, ულტიმატუმებით შემოვიდა", - ასე მიმართა ნარმანიამ კუპრაძეს.

შეხვედრას ექსპერტები, არასამთავრობო ორგანიზაციების წარმომადგენლები, საკრებულოს თავმჯდომარე და საკრებულოს წევრები ესწრებოდნენ.