რეალითი შოუს Keeping Up with the Kardashians-ის კვირის ეპიზოდში კიმ კარდაშიანმა თავისი ცხოვრების იმ პერიოდზე ისაუბრა, როცა არც ისე პოპულარული იყო. თავის უმცროს დასთან, კენდალ ჯენერთან საუბრისას, კიმმა თქვა, რომ წლების წინ ექსტაზს იღებდა.

"როცა პირველად ვიქორწინე, ექსტაზის მოქმედების ქვეშ ვიყავი. შემდეგ ის ისევ მივიღე და იმ ჯერზე სექს-ვიდეო ჩავწერე. ყველაფერი ცუდი შეიძლებოდა მომხდარიყო", - იხსენებს კიმ კარდაშიანი.

კიმმა სექს-ვიდეო ყოფილ შეყვარებულთან ერთად 2003 წელს გადაიღო, თუმცა ჩანაწერი 4 წლის შემდეგ, 2007 წელს, მისი ოჯახის რეალითი შოუს გაშვებამდე ცოტა ხნით ადრე გავრცელდა.

მიუხედავად ბოჰემური ცხოვრებისა, კარდაშიანი გარშემომყოფებზე ზრუნვასაც ახერხებდა. გასულ წელს, მან ენდი კოენის შოუში მამაზე, რობერტ კარდაშიანზე ისაუბრა და გაიხსენა, რომ მამამ მანქანის მართვა 14 წლის ასაკში ასწავლა, რის შემდეგაც წვეულებების მოყვარულ დებზე ზრუნვა დაიწყო.