საცხოვრებელ ფართებს საკუთრებაში კიდევ 177 დევნილი ოჯახი მიიღებს. ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა.

დევნილები სახლებს თბილისში, ქუთაისში, მცხეთაში, ბათუმში, ფოთში, ზუგდიდში, ზესტაფონში, ხონსა და ხაშურში მიიღებენ.

2012 წლის შემდეგ, 12 500-მდე დევნილ ოჯახს გადაეცა საკუთრებაში საცხოვრებელი ფართი და პროცესი, დევნილთა და განსახლების სამინისტროსა და ეკონომიკის სამინისტროს ხელმძღვანელობით, გაგრძელდება.

„დევნილების საცხოვრებლით უზრუნველყოფა ჩვენი მოვალეობაა“ - განაცხადა გიორგი კვირიკაშვილმა.