ტელეკომპანია იმედი ომეგა ჯგუფის დამფუძნებელს, ზაზა ოქუაშვილს ცრუ ინფორმაციის გავრცელებაში ადანაშაულებს და ცილისწამების გამო სასამართლოში უჩივის.

21 ნოემბერს რუსთავი 2-ის ეთერში ზაზა ოქუაშვილი ამტკიცებდა, რომ ბრალდებების უარსაყოფად ხელისუფლება გარიგებას სთავაზობდა, სამაგიეროდ კი იმედისთვის დადგმული ინტერვიუ უნდა მიეცა.

მისივე თქმით, წინასწარ განსაზღვრული ტექსტის მიხევდით ოქუაშვილს უნდა უერყო, რომ ბიძინა ივანიშვილი მას ფულს სძალავდა, ხოლო რამდენიმე კვირის წინ გამოქვეყნებული კომპრომატებ დადგმული იყო და ამის გაკეთება ნიკა გვარამია და მიხეილ სააკაშვილმა სთხოვეს.

გარდა ამისა, ოქუაშვილის ამბობდა, რომ ხელისუფლების მიმართ პოზიტიური განწყობის შესაქმნელად ქართუმ ომეგა ჯგუფისთვის 8 მილიონიანი სესხი გამოყო. ქართუ ბანკმა ამ ბრალდებებს უპასუხა და განმარტა, რომ წინა ხელისუფლებისგან დარბევის შემდეგ ეს კომპანია მათი მსესხებელია. ბანკში ამბობენ, რომ კომპანია სესხს გრაფიკის მიხედვით იხდიდა და მას არსებული ლიმიტის გათვალისწინებით გამოყეს თანხა.