ე.წ. ტერაქტის ორგანიზების საქმეზე ბრალდებული პირის შესაძლო ცემის ფაქტზე გამოძიება დაიწყო. აღნიშნული ინფორმაცია On.ge-ს პროკურატურაში დაუდასტურეს. უწყების ცნობით, გამოძიება 333-ე მუხლით მიმდინარეობს, რაც სამსახურეობრივი უფლებამოსილების გადაჭარბებას ითვალისწინებს.

აღნიშნულ ფაქტთან დაკავშირებით, გამოძიების დაწყების მოთხოვნით დღეს პროკურატურას სახალხო დამცველმა მიმართა. უჩა ნანუაშვილის თქმით, დაკავებისას ბრალდებულს შუბლის ძვალი კონდახით ჩაუმტვრიეს:

"სამედიცინო დოკუმენტები ცხადყოფს, რომ ბრალდებული დაახლოებით 23 საათზე დროებითი მოთავსების იზოლატორში შეიყვანეს, თუმცა იზოლატორმა ის არსებული მრავლობითი დაზიანების გამო ვერ მიიღო. აღნიშნულის გამო, ბრალდებული სამედიცინო დაწესებულებებში 2-ჯერ გადაიყვანეს, სადაც საბოლოო ჯამში, ქირურგიული მკურნალობა ჩაუტარდა".

22 აგვისტოს სახელმწიფო უსაფრთხოების სამსახურმა განაცხადა, რომ ტერორისტული აქტი აღკვეთა და რუსეთ-სომხეთის დამაკავშირებელი გაზსადენის აფეთქების მცდელობისთვის 7 პირი დააკავეს.

აღნიშნულ პირებს წინასწარი პატიმრობა შეეფარდათ. მათი წინასასამართლო სხდომა 10 ოქტომბერს გაიმართება