Yahoo-ს ინფორმაციით, გერმანიის კანცლერი ანგელა მერკელი ჩრდილოეთ აფრიკიდან ევროპისკენ მიმავალი მიგრანტების ნაკადის შესაჩერებლად ევროკავშირს მოუწოდებს, თურქეთთან შეთანხმებებს მიაღწიოს.

მერკელის თქმით, გეგმა ლტოლვილების თურქეთში გაჩერებას ითვალისწინებს:

"ჩვენ მსგავსი ხელშეკრულება სხვა ქვეყნებთანაც უნდა დავდოთ, რათა ევროპისკენ მიმავალი ხმელთაშუა ზღვის მსგავს მარშრუტებზე კონტროლი დავამყაროთ".

მერკელის განცხადებით, შეთანხმებაში მიგრანტების ინტერესებიცაა გასათვალისწინებელი. იგი განმარტავს, რომ ლტოლვილებისთვის უკეთესია თურქეთში დარჩნენ, რადგან სამშობლოსთანაც ახლოს იქნებიან და ენობრივი და კულტურული ბარიერიც დაბალი დახვდებათ.

ამასთან ერთად, შეთანხმების შემთხვევაში ევროკავშირი თურქეთს მილიარდობით ევროთი დაეხმარება, თურქეთი სავიზო ლიბერალიზაციას მიიღებს და დაჩქარდება მოლაპარაკებები სხვა საკითხებზეც.

მერკელი ევროკავშირის წევრ ქვეყნებს მოუწოდებს, აიღონ პასუხისმგებლობა იმ ლტოლვილებზე, რომლებიც უკვე საბერძნეთში არიან. მათი რაოდენობა დაახლოებით 45 ათასია.