ერთიანი ნაციონალური მოძრაობიდან საკრებულოს წევრმა, ლევან ხაბეიშვილმა სხდომაზე თბილისის მერისთვის, კახა კალაძისთვის მილანის ინტერის ფორმა მიიტანა. ხაბეიშვილმა განაცხადა, რომ კალაძე თბილისელებს უყურებს, როგორც მილანის ინტერის ფეხბურთელებს, მოწინააღმდეგეებს. მან მოითხოვა, რომ ფორმა თბილისის მერისთვის გადაეცათ.

"თბილისური და ქალაქური არ ესმის მერს, არაფრის გათვალისწინება არ უნდა, ამიტომ ხალხის წინააღმდეგ რომ არის სულ, მსურს, რომ მის ენაზე დაველაპარაკო. ეს არის მილანის ინტერის ფორმა. მილანი და მილანის ინტერი არიან დაპირისპირებულები და კალაძე თბილისელებს უყურებს, როგორც ინტერის ფეხბურთელებს, როგორც მოწინააღმდეგეებს", — განაცხადა ხაბეიშვილმა.

შემთხვევას სხდომაზე დაპირისპირება მოჰყვა, რომელშიც ხაბეიშვილს საკრებულოს წევრი ქართული ოცნებიდან, ილია ჯიშკარიანი დაუპირისპირდა.