დღეს სასტუმრო ეროვნული ფორუმის ლიდერმა, კახაბერ შარტავამ პარტიის ახალი სახეები წარადგინა.

„ეს ადამიანები, მართალია, არ ჩანდნენ ფართოდ ეკრანებზე, თუმცა წლების განმავლობაში იყვნენ იქ, სადაც არის საზოგადოება, ისინი იყვნენ აქტიური მოქალაქეები და ეროვნული ფორუმის ცხოვრებაში მათ ძალიან დიდი როლი აქვთ. პრინციპი არის მარტივი – ნამდვილი ადამიანები ნამდვილი საქართველოსთვის იბრძოლებენ და შექმნიან ძლიერ, ეროვნულ სახელმწიფოს“ – განაცხადა კახაბერ შარტავამ ჰოლიდეი ინ თბილისში გამართულ ბრიფინგზე.

კანდიდატების შემადგენლობა ასეთია:

  • შოთა იამანიძე – დიპლომატი – დიდუბის N15 მაჟორიტარული ოლქი;
  • თამარი ციხისელი – იურისტი – ნაძალადევის N17 მაჟორიტარული ოლქი;
  • გიული შენგელია – პედაგოგი – გლდანის N20 მაჟორიტარული ოლქი;
  • გელა გელაშვილი – იურისტი – თელავი-ყვარელის N27 მაჟორიტარული ოლქი;
  • ნანა ქვრივიშვილი – ჟურნალისტი – ქარელის N40 მაჟორიტარული ოლქი;
  • ალექსანდრე ნონიაშვილი – ეკონომისტი – დმანისი – წალკის N34 მაჟორიტარული ოლქი;
  • გურამ მჭედლიძე – ეკონომისტი – ქალაქ გორის N41 მაჟორიტარული ოლქი;
  • ოთარ ხარჩილავა – სამართალმცოდნე – ფოთის N61 მაჟორიტარული ოლქი;
  • ბესიკ ჩუბინიძე – ჟურნალისტი – ისნის N8 მაჟორიტარული ოლქი.