AMC-ის ერთ-ერთი ყველაზე წარმატებული და პოპულარული სერიალის, Breaking Bad-ის ფილმზე მუშაობა მალე დაიწყება.

როგორც ცნობილია, შოუს შემქმნელმა ვინს გილიგანმა კონტრაქტი უკვე გააფორმა Sony Pictures-თან.

პროექტის ქრონომეტრაჟი ორი საათი იქნება, გადაღებები კი ნოემბრის შუა რიცხვენში დაიწყება და 2019 წლის თებერვლის ჩათვლით გაგრძელდება.

ამ ეტაპზე პროექტის სხვა დეტალები უცნობია, მათ შორის ისიც, ვიხილავთ თუ არა სერიალის რომელიმე ვარსკვლავს ფილმში.

გამომდინარე იქიდან, რომ შემქმნელები დეტალებს არ ახმაურებენ, არავინ იცის ფილმი კინოთეატრში გავა თუ ტელევიზიის ეთერში.

დაუდასტურებელი ინფორმაციით, ფილმის სიუჟტი მოგვითხრობს გატაცებულ კაცზე იქნება, რომელიც გადარჩენისთვის იბრძვის.

ეს პირველი შემთხვევა არ არის როდესაც წარმატებულ სერიალზე ფილმს იღებენ. მაგალითად, სულ მალე მაყურებელი HBO-ს საკულტო შოუს, სოპრანოს კლანის პრიქველსაც ფილმის სახით იხილავს.

Breaking Bad ყველა დროის ერთ-ერთ საუკეთესო სერიალად არის აღიარებული. მიღებული აქვს არაერთი ჯილდო, მათ შორის 16 ემი, ორი ოქროს გლობუსი და ოთხი ტელევიზიის კრიტიკოსების ჯილდო.