ჟურნალმა People-მა წლის ყველაზე სექსუალურ კაცად 46 წლის ბრიტანელი მსახიობი იდრის ელბა დაასახელა.

ჟურნალის ტრადიცია 1985 წლიდან მოდის. მაშინ ეს ტიტული მელ გიბსონს ერგო. ელბა People-ის ყველაზე სექსუალური მამაკაცების სიაში 33-ეა.

როგორც ელბა იხსენებს, თინეიჯერობისას ის საკუთარ სხეულში თავს არც ისე კომფორტულად გრძნობდა.

"ძალიან მაღალი და გამხდარი ვიყავი. და იმის გამო, რომ ჩემი სრული სახელი იდრისა აკუნა ელბა იყო, ხანდახან დაცინვის ობიექტიც ვხდებოდი. როგორც კი წვერი მოვუშვი, უბნის ყველაზე მაგარი ბიჭი გავხდი. მოუშვით ულვაში, იზრუნეთ კუნთების ზრდაზე", - ურჩევს ის ბიჭებს.

მაშინ, როცა ჰოლივუდის ყველაზე სექსუალური მსახიობის როლს არ ირგებს, ელბა იბიზაზე მოგზაურობს, ტაილანდში კიკბოქსინგის წრეზე დადის და ტანსაცმლის საკუთარ ხაზს უშვებს. რომ არაფერი ვთქვათ იმაზე, რომ 29 წლის საცოლესთან გრანდიოზული ქორწილისთვის ემზადება.

კითხვაზე, რა არის მისი ცხოვრების საუკეთესო და უდიდესი მოვლენა, ელბა პასუხობს, რომ ეს მისი შვილების დაბადებისას ადგილზე ყოფნა იყო. მას 16 და 4 წლის შვილები ჰყავს.