2019 წლის პირველი იანვრდან ნაღდი ანგარიშსწორებისას ხურდა რიგ შემთხვევებში ზუსტად აღარ დაგიბრუნდებათ. ერთი თეთრის სიზუსტით ანგარიშსწორებას დამრგვალების მეთოდი ჩაანაცვლებს. რეგულაცია ეროვნულმა ბანკმა მიიღო.

ნაღდი ანგარიშსწორებისას ხურდა დამრგვალდება 0-ის ან 5-ის ჯერად რიცხვებამდე. მაგალითად:

  • თუ მაღაზიაში ფულის გადახდის დროს გეკუთვნით ხურდად 11 ან 12 თეთრი გამყიდველი დაგიბრუნებთ 10 თეთრს;
  • თუ ხურდად გეკუთვნით 13 ან 14 თეთრი გამყიდველი დაგიბრუნებთ 15 თეთრს;
  • თუ ხურდად გეკუთვნით 16 ან 17 თეთრი გამყიდველი დაგიბრუნებთ 15 თეთრს;
  • თუ ხურდად გეკუთვნით 18 ან 19 თეთრი გამყიდველი დაგიბრუნებთ 20 თეთრს.

გარდა ამისა, ცვლილებების მიხედვით, 1 და 2-თეთრიანი მონეტების მიმოქცევაში გამოყენება ნებადართული იქნება 2020 წლის 31 დეკემბრის ჩათვლით. მომდევნო ერთი წლის განმავლობაში მონეტების შეცვლა ნებისმიერ კომერციულ ბანკში იქნება შესაძლებელი.