ჰელოუინის აღსანიშნავად ჰოლივუდის ვარსკვლავები მზადებას რამდენიმე კვირით ადრე იწყებენ და ხშირად მშვენიერ შედეგსაც იღებენ.

თუმცა ეს არ ეხება ლეონარდო დიკაპრიოს, რომელიც წლევანდელი ჰელოუინისთვის მარტივად "გამოძვრა" და მხოლოდ კლოუნის ნიღაბი მოირგო.

ამერიკულმა მედიამ, დიკაპრიოს ეს საქციელი მალევე აღიქვა, როგორც მსახიობის გამოხმაურება ხოაკინ ფენიქსის ჯოკერის როლზე დამტკიცებასთან დაკავშირებით და როგორც ტაბლოიდები წერენ, ლეონარდო ხელიდან გაშვებულ შანსს ასე მისტირის.

რა თქმა უნდა რეალურად არავინ იცის, ოსკაროსანი მსახიობის ეს ნაბიჯი მართლაც იყო თუ არა მესიჯი ხოაკინ ფენიქსისთვის, თუმცა ფაქტი ერთია - ლეონარდო კლოუნის ნიღბით იდეალურად გამოიყურება, რაც ხოაკინ ფენიქსს ნერვიულობის მიზეზსს ნამდვილად აძლევს.