საქართველოს პრეზიდენტის ადმინისტრაციის ინფორმაციით, დღეს გიორგი მარგველაშვილმა გამოსცა განკარგულება ბოლნისის, ზუგდიდის, წალენჯიხის, ჭიათურისა და ხარაგაულის მუნიციპალიტეტების გამგებლებისა და ქალაქ ახალციხის მუნიციპალიტეტის მერის რიგგარეშე არჩევნების დანიშვნის შესახებ.

განკარგულების თანახმად არჩევნები გაიმართება 2016 წლის 8 ოქტომბერს, განკარგულება კონტრასიგნირებულია პრემიერმინისტრის გიორგი კვირიკაშვილის მიერ.